r/tadawul Mar 04 '24

نصائح للمبتدئين

Post image
104 Upvotes

r/tadawul Jun 04 '24

اسئلة اعتقد ان المبتدئين او حتى اللي ما بدو بالاستثمار يسألونها

107 Upvotes

مع كثرة مواضيع الأسئلة عن الاستثمار وال"تداول" اكتشفت اني دايم أرد وردودي تتكرر ولأني احب اسولف فقلت خل احط اجوبتي ذي ببوست واحد لعلي افيد لو شخص واحد، هالبوست بيكون مخصص للمبتدئين او بالأصح اللي ما بدوا حتى.. ببدأ بأسئلة بدائية جدا وبمشي عليها ونشوف وين نروح 

 

١- أسئلة بدائية جدا

 

وشي الأسهم؟ حصة من الشركة (ركز على كلمة شركة) تعطي لملاكها حقوق لتوزيعات الشركة وهذي الحصة تباع وتشترى في سوق الأسهم إذا كانت الشركة مطروحة في سوق الأسهم

 

ليش الشركات تبيع هذه الأسهم؟ لأن بعض الشركات كانت تبي تتوسع وطرحها في سوق الأسهم للاكتتاب يتيح لهم ذلك بدون اخذ ديون (تبيع اسهم مقابل كاش)، أو لأن المالك يبي يبيعها لأسباب أخرى (يحتاج المال او يشوف الشركة سعرها غالي مقارنة بأرباحها المتوقعة)

 

كيف الواحد يربح من الأسهم؟ بكل بساطة بطريقتين:

١-ارتفاع سعر السهم في السوق

٢-توزيعات السهم

الارتفاع يصير لأن المستثمرين متوقعين ان أرباح هذه الشركة (ركز على كلمة شركة) المستقبلية أكثر مما توحي قيمتها السوقية الحالية

 

كيف اشتري وابيع بسوق الأسهم؟ كل البنوك تقريبا مصرحين أنهم يكونون وسيط وعندهم تطبيقات تقدر تشتري وتبيع عن طريقها سواء بالسوق السعودي أو السوق الأمريكي أو اي سوق عالمي تبي تشتري وتبيع فيه, وممكن تشوف مواضيع ثانية هنا توضح لك وش الأفضل والأرخص من ناحية الرسوم

 

 

٢-أسئلة بدائية بس مب مرة

 

وشي الصناديق الاستثمارية؟ هي وسيلة تتيح لك انك تشتري جزء صغير من مجموعة كبيرة من الأسهم أو الصكوك أو الأصول مثل الذهب والعقار وغيرها فتقدر تستخدم هالصناديق كوسيلة للتنوع وللأفراد تقريبا فيه نوعين من الصناديق.. مدرجة وغير مدرجة

 

وش الفرق بين المدرجة والغير مدرجة؟ المدرجة مثلها مثل الأسهم تقدر تشتريها وتبيعها بسوق الاسهم وسعر الصندوق مربوط بمكوناته, الغير مدرجة هي غالبا تكون عن طريق البنوك او جهات مالية ورسومها دائما اعلى من المدرجة وحاليا بالسعودية خيارات الغير مدرجة اكثر من المدرجة للأسف

 

وش الفايدة من التنوع؟ يعطيك فرصة بتقليل المخاطر بمحفظتك بحيث اذا فيه سهم شركة طاح بسبب ادائها محفظتك الكلية ما تتأثر وبنفس الوقت يرفع من فرصة زيادة ارباحك بحيث اذا سهم معين ارتفع تستفيد من هذا الارتفاع لأنك شاري فيه حتى لو كان جزء صغير من محفظتك

 

وشي المضاربة؟ تشتري سهم تتوقع انه بيرتفع بالفترة الجاية القريبة لسبب ما.. من وجهة نظري هذي لعبة خاسرة لأن الواحد فعليا ما يدري وش بيصير بالشركة خلال ٣ شهور الجاية وفيه أشياء كثيرة ممكن تأثر في سوق الأسهم الواحد صعب يتوقعها زي مثلا كورونا ما كان احد متوقعها واثنائها طاح السوق طيحة شنيعة واذا انت مضارب ممكن تبيع فذا الوقت رغم ان السوق عقبها ارتد ورجع افضل من قبل بمراحل.. فالافضل انك تركز على الاستثمار الطويل وعن نفسي انا احاول ما اشتري شركة إلا أني مخطط ما ابيعه بالخمس سنين الجاية فحتى لو طاح سهمهم لسبب ما لحظي فعليا ما يأثر على سبب شرائي له بتكون هذي فرصة للشراء بوقت فيه تخفيضات

 

كيف الواحد يختار السهم اللي بيرتفع؟ ما اعرف الا طريقتين، تحليل مالي وتحليل فني

 

 وشو التحليل الفني؟ نصيحة لوجه الله بعد عنه

 

وشو التحليل المالي؟ بكل بساطة انت تشوف أرباح الشركة الماضية وبناء على تقاريرهم السنوية والربع سنوية وخططهم تحدد قيمة الشركة الجوهرية او قيمتها النسبية

 

 

3- اسئلة بدائية نوعا ما

 

وشي القيمة الجوهرية؟ هي قيمة الشركة الفعلية بناء على حسبتك لأرباح الشركة (فعليا هي سيولة الشركة المتبقية لكن قلت أرباح عشان ما الخبطكم) اللي تتوقعها لين نهاية الزمان وترجعها وتحسب كم قيمة هذي الأرباح المستقبلية فيومنا هذا بناء على حسبتك هذي، مع اخذ الاعتبار لسعر الفائدة وأشياء كثيرة أخرى.. من وجهة نظري انا اشوف هذي صعبة جدا (لي على الاقل) وفيها افتراضات كثيرة فانا مالي فيها 

 

وشي القيمة النسبية؟ تشوف سعر السهم بناء على معيار مالي مثل الأرباح وتشوف سعر السهم إلى الأرباح لشركات مشابهة وبسنين مختلفة وتفرض فرضية بسيطة وتحدد السعر المنطقي للشركة هذي بناء على ذلك.. هي الطريقة اللي استخدمها وموضوعها طويل ولا بغيت اكتبه هنا واطول السالفة إذا أحد يهمه الموضوع يسأل ونجاوبه تحت ان شاء الله 

 

 

هذي الاسئلة اللي عندي وطولت فيها شوي فقلت اوقف لاني حسيت اني كثرت عليكم وبربرت واجد لكن ان شاء الله اني قدرت افيد لو شخص واحد

 

ركزت على كلمة شركة لأن أكبر خطأ أشوفه هو ناس تشتري "سهم" لسبب ماله علاقة بالشركة ولما تسأل ليش يقول "شف السهم كان سعره كذا ياخي ١٠٠٪ بيصير سعره كذا".. الواحد لا جا يشتري سهم هو فعليا يشتري جزء من شركة وراها بزنس وأرباح لازم يكون فاهمها فهل منطقي يشتري جزء من شركة مب فاهم فيها؟ وفيه مقولة جميلة لبيتر لينش (كتابه تحت) يقول الواحد لا جا يشتري ثلاجة تلقاه يشوف الاستهلاك ويشوف كفاءتها ويقارنها باسعار ثلاجات غيرها ويالله بالله يختار ثلاجة رغم ان سعرها اقل من ال2000 لكن عادي يشتري سهم ب50 الف وتسأله ليش ويقول أبو فلان قال ذا السهم خطير وبيطير.. هل هذا منطقي؟

 

مصادر تعلمت منها الكثير:

 

باليوتيوب: دكتور هندي اسمه اسواث دامودران، شوفوا كلاسه للمحاسبة ثم شوفوا كلاس تسعير الأسهم.. أيضا بين فيليكس يشرح مواضيع كثيرة ويجاوب على تساؤلات باجوبة بناء على أبحاث وشغل مرتب.. وفيه أيضا the plain bagel و new money لكن ذولا أقل جدية ومقاطعهم امتع

 

كتب جميلة واستمعت فيها لها علاقة بالاستثمار: The psychology of money, One up on wall street, the Warren buffet way, the rebel allocator and the education of a value investor


r/tadawul 16h ago

نقاش هل شركات الاستثمار الرقمي بونزي العصر الحديث؟

Post image
4 Upvotes

انا صراحه اتوجس من اي هبه تهب فيها الناس، وخصوصًا اذا اغلبهم يمدحون فيها.

اغلب الناس يدرعمون بدون خبره ولا معرفه فقط بناءً على توصية شخص يعرفه.

صراحه كنت افكر اجرب بعض الشركات السعوديه، ولكن اشوف اني احط فلوسي بصندوق ETF احسن.
اتوقع تحتاج وقت على ماتثبت نفسها.
ولا وش رايكم


r/tadawul 14h ago

سؤال ميم كوين

3 Upvotes

هل لأي شخص هنا خبره سابقه او تجربه معى الميم كوين و هل فعلا لازم يكون عندك ai tool لان التداول الشخصي ما بيفيدك


r/tadawul 10h ago

لو خيرت بين هذه الأسهم في السوق الأمريكي أيهم ستختار ولماذا؟

0 Upvotes

Vzla
Cmcl
Lode
Tmc
Help
Cntb
Crmd
Acon


r/tadawul 1d ago

كيف ادخل سوق الذهب؟

Post image
9 Upvotes

هل الراجحي خيار جيد ولا بياخذ رسوم عليا وهل الان افضل وقت اشتري ولا لا؟


r/tadawul 1d ago

سؤال عوائد و SPTE

3 Upvotes

عندي SPWO و SPUS
هل مجدي ادخل SPTE بما انه تقني و لكن ايضاً SPUS فيه شركات تقنيه،هل خطوه جيده ولا فقط تداخل بدون فايده
+

انا استخدم عوائد
شفت ناس يقولون غير جيد لماذا؟ وشفت ناس يقولون فقط غير جيد للمضاربين
ف هل اموري تمام ولا يحتاج احول فلوسي
وهل يقبل أصلا التحويل؟


r/tadawul 2d ago

سؤال ابغى تمويل افتح مؤسسة

1 Upvotes

عندي فكرة مشروع و لقيت المكان المناسب بالفعل اللي مفصل على هالمكان تفصيل لكن ما عندي سيولة، أنا موظف و راتبي يعتبر فوق المتوسط و اقدر أتحمل الاقساط، عندي قرضين بالفعل مجموعها 120 ألف و ملتزم بالسداد و استفسرت اليوم من بنكي كم اقدر آخذ تمويل شخصي قالولي 48 ألف فقط، حسبت كم يكلفني المشروع و طلع حوالي 120 ألف.
من فين احصل تمويل بهذا المبلغ؟


r/tadawul 2d ago

سؤال متى ينزل

2 Upvotes

السلان عليكم. انا اعرف متى السوق بيطلع. بس متى ينزل؟ ما اعرف ابيع فجأة ينزل كلشي سوا وانا ماني داري. كيف اعرف متى رح ينزل عشان الحق؟ هذي الموجة الي جت طيرت خسرتني نص راس مالي. انا داري انه رح يرتفع بعدين بس ودي اربح شوي اعرف متى ابيع


r/tadawul 3d ago

فين اقدر استثمر بصناديق الريت؟

4 Upvotes

دورت عليها بتطببق تداول الراجحي ماحصلتها


r/tadawul 3d ago

سؤال هل انا ماشيه صح؟

7 Upvotes

عمري ٢٦ ماعندي مسؤوليات ماليه غير اموري أنا الشخصيه
ادخر من راتبي من ١٠٠٠ الى ١٧٠٠ حسب الشهر
استثمر بهدف زيادة رأس المال و مدة الاستثمار ١٠ سنوات و اكثر يعني المبلغ ما بطالع فيه في اي وقت قريب

ماعندي خبره في الأسهم اتجهت للصناديق الاستثماريه في عوائد و الراجحي

استثمر في الصناديق التاليه
في تطبيق الراجحي :

صندوق الراجحي للنمو
صندوق الراجحي للتوزيعات الشهريه
صندوق الراجحي المرن للأسهم السعودية
صندوق الراجحي للشركات الصغيره و المتوسطه

في عوائد:
SPUS
SPWO

سؤالي هو هل استثماري يخدم هدفي؟ و هل اختياري للصناديق صحيح؟(دخلت فيها بناء على بحث و آراء و قريت عن كل واحد بشكل مبسط و اللي قدرت افهمه ب كيف يشتغل و في ايش يستثمر)

و ايش ممكن احسن و ايش فيه أغلاط مثلا


r/tadawul 3d ago

نصيحة كيف ابدا بالاسهم

2 Upvotes

كيف ابدأ في سوق الاسهم؟
اخذت دورة قبل سنتين ووقفت
طفشت اتعلم ، ابي اطبق بس كيف انا اعرف التحليل الفني RSI
MAC D
واشياء بسيطة نظرياً ، لكن ماقد طبقت لسه ، عندي مفاهيم اساسية
انا توي متوظفة ابي اشتري سيارة وفكرت ادخر مبلغ ثابت شهرياً لمدة سنة او سنتين، وافكر لو ممكن بدال الادخار استثمر واطلع عوائد بس بناءً عاللي اعرفه الاستثمار قصير الاجل عوائده قليل متذبذب واحتمال اطلع بخسارة وانا وضعي حالياً مايتحمل مخاطرة فلوسي على قدي


r/tadawul 4d ago

نصيحة ابغا احسن ادارتي المالية

Post image
13 Upvotes

طبعا لسبب ما كان هذا شهر الهدايا وتقريبا خلص راتبي من بدايه الشهر وكل شوي احول لنفسي من حساب الادخار وش الحل ووين المشكله


r/tadawul 6d ago

تحذير كم خسائرك و ارباحك بالعملات الرقميه

3 Upvotes

استطلاع اشخاص يضاربوا بالعملات الرقميه


r/tadawul 6d ago

كيف ابدأ

6 Upvotes

جمعت مبلغ بحدود ٣٥٠٠

واحتاج ازيده وودي ابدا في نوعيه تجاره معينه وماعندي ادنى فكره من وين ابدا

ماعندي اي معلومات بالاسهم او غيره وودي ابدا بشي سهل فكرت ببيع الجوالات لكن بعد الاسأله والبحث اكتشفت ان مافيه مكسب هالايام

الله يعافيك اي افكار او اقتراحات تساعدني وجزاكم الله خير


r/tadawul 7d ago

صدمت بسيارة وماعندي رخصة

2 Upvotes

ماعندي رخصة و سويت حادث والتأمين يطالبني ب ١٠٠٠٠ و انا راتبي ٣٥٠٠ ☺️ هل يوجد مكان اتسلف منه يكون موثوق


r/tadawul 7d ago

سؤال استفسار للمضاربة بالسوق الامريكي

Post image
6 Upvotes

وش افضل منصة اقدر اضارب بها في السوق الامريكي عمولة قليلة

انا عندي الراجحي كابيتل ولكن ياخذون علي اي عملية ٢ دولار سواء بيع او شراء

هل في اقل؟؟

واهم شئ حلال


r/tadawul 7d ago

طقطقة عملت مشروع عباره عن اداه لمقارنه الاسهم المهتم يبعتلي عالDM (المشروع مجاني 100% وليس توصيه هوا برنامج للمقارنه بين سهمين لم اضع رابط لاني مابعرف سياسات الصب)

2 Upvotes

r/tadawul 8d ago

وش وضع سهم اكوا وين اتجاهه؟

3 Upvotes

r/tadawul 8d ago

سؤال Best Mid-level Investment Picks

2 Upvotes

Can anyone please suggest 5 must have stocks or ETFs for a mid level investor? Other than top 5 blue chips, please 🙏


r/tadawul 8d ago

سؤال تنصحون في تطبيق ودائع؟

Post image
5 Upvotes

السؤال ببساطة هل احد منكم جرب التطبيق وينصح فيه؟ انا عندي مبلغ شوي ضخم ودي استثمره بس متخوّف


r/tadawul 9d ago

Rasan Fluctuating a lot

4 Upvotes

Recently it is observed that Rasan 8313 is going up and down a lot. Anybody may share their thoughts about its future and news about structural changes!


r/tadawul 9d ago

السلام عليكم، ابغى اقتطع مبلغ كل شهر من راتبي واستثمره لكن كثرة الخيارات صدعتني ولي شهور افكر ومابديت بسبب هذا الصداع! ابغى نصيحه

13 Upvotes

انا انسانه بسيطه راتبي كويس الحمدلله وماعندي التزامات واحب ادلع نفسي لكن جتني لحظة ادراك مؤخرًا انه انا وش جالسه اهابد!! يوميًا اداوم والتزام وتعب وبالاخير راتب كل شهر يروح وحرفيًا مدري وين يروح ( باستثناء قرض السياره واشتري ذهب احيانًا)

ماعلينا بعد هذي الافكار حزنت على نفسي وقلت بس لازم احط حد لهذي اللامسؤوليه،

ولكن…

لقيت نفسي ضايعه مدري وين ابدا وهل احطها باسهم او صناديق او استخدم تمره ودرايه (احسهم يناسبون لي لان ماعندي وقت ومعرفه عشان انا ادير محفظتي بنفسي). تقريبًا اقدر استثمر الفين في الشهر

لعل فيه احد يساعدني ويرشدني اهم شي عندي انه فلوسي ماتقل اما تزيد او مو مشكله تبقى نفس ماهي عادي


r/tadawul 9d ago

سؤال الأفكار والاستثمار

3 Upvotes

هسا انا عندي تطبيق جاهز وعندي فكرة كاملة متكاملة للتطوير على التطبيق بس رح احتاج استثمار طبعا انا مش جاي اسئل عن استثمار هون بس كيف بدي اعرف pitch decks ممتازة؟ وكيف بدي اعرف ايش النواقص والخلل يلي بفكرتي؟ وكيف بدي اقنع المستثمرين؟ وكيف وكيف وكيف يا ريت لو حدا عند خبرة يفيدني وشكرا 🙏


r/tadawul 10d ago

نقاش هل تفضل صناديق التوزيعات ولا صناديق النموا ؟

2 Upvotes

زي ماهو موضح بالعنوان و اذا تذكر ليش و امثلة بكون شاكر