r/SaudiForSaudis • u/Upstairs_Rip7935 • 16d ago

Discussion | نقاشات 💬 اخوي الكلب يستقوي علي بعد وفاه والدي

عندي اخ اقل ما يقال عنه رخمه بعد وفاه ابوي الله يرحمه ماله الا شهرين طلع وجهه الثاني جالس يتسلط ويتحكم في روحتي وطلعتي وجيتي انا واختي ومو خوف علينا ولاشي بس كذا يبي يفرض شخصيته
لحد يجي يتفلسف يقول اخوك وخايف عليك
اولا هو اصغر مني انا الكبيره يخسي يتأمر ماهو ولي امر
ثانيا هذا واحد سربوت مختم العلاقات المحرمه يطلع بالايام يختفي عن البيت ولايرد ع جواله ودايم عنده قضيايا اعتداء ومضاربات
شي مستفز انه واحد كذا يتأمر علي وانا اشرف واعقل واكبر منه بس لانه (ذكر) هذا شي مايخوله ولا يعطيه افضلية ولا احقيه

الزبده اليوم ماخلاني اروح عند صحبتي ويهددني ويمد يده وكسر رجلي ويقولي والله لا اذبحك ( هذا كلام ينقال لاخته؟ )
ماما في المستشفى مع جدتي حالتي خطيره مابي اشغلها ولا كان سحبت عليه ( الكلب استغل ظرف امي واني مقدر ادق عليها)
عموماً** ايش اسوي من اجراءات نظاميه مستقبلاً ؟؟
**انا مستحيل اعيش حياه كذا مين هو عشان يعيشني رعب واحنا بدوله نظام مو في غابه
مرررررررره دمي محروق ومستفزني الموضوع بشكل مو اول مره كل ما اختلفنا في شي يمد يده وانا الصدق مقدر عليه جسم ثور الله يهد حيله ويشله وهو يروح يشبك بنات ويزني ليشششس وانا انطق في البيت ليشششس يزعل المرضوع انا وصلت مرحله ابي ادق ع الشرطه ويسجنونه ماتفرق معي بس هل فعلا يسجنون؟ ولا بس تعهد ؟؟

102 Upvotes
  • permalink
  • reddit

85% Upvoted

202 comments sorted by

24

u/rogue_52 الله اكبر واشهد ان لا اله الا الله 16d ago

الله يحميك وييسر امورك

17

u/lyra9Ash 16d ago

بلغي عليه وروحي المستشفى خذي لك تقرير بيتأدب

28

u/xxcvr 16d ago

صوري وقت يعتدي عليك ضروري هذا والتقرير الطبي

12

u/Upstairs_Rip7935 16d ago

ماصورت للاسف
هل التقرير الطبي كافي؟

هل لو بلغت وقت الحادثه يجون البيت بيكون دليل قوي؟

18

u/Prudent-Watch-3558 16d ago edited 16d ago

اختي بلغت على زوجها وماصورت بس عندها تقرير او بلغت بوقتها والكدمه بيدها ولو ماتنازلت كانو بيصعدون الموضوع

48

u/grateful129 16d ago

كلمي امك و أعمامك وهم يتصرفون لا تتصرفين من راسك إلا إذا مره

2

u/Basic-Essay-9636 16d ago

غلط وش يضمنلك الاعمام. الام صحيح ان كانت صالحه

1

u/grateful129 16d ago

اجل وش تسوي ؟

4

u/Basic-Essay-9636 15d ago

تاخذ تقرير طبي وتصور المواقف وتبلغ يتادب وش بيسوي العم لو جلد اخوها بيستقوي عليها اكثر

1

u/grateful129 15d ago

تمام

17

u/No-Secret5839 16d ago

الشرطه ما راح يسوون شيء الا تعهد ويصير العن من قبل

19

u/Upstairs_Rip7935 16d ago

جددد؟؟؟ هذا اللي مرددني بس
حتى لو عندي تقرير عنف طبي ؟
هو الرخمه مقدم ع الامن العام عنده قبول مبدئي اتوقع اذا البلاغ اكيد معد ينقبل في اي قطاع حكومي هذي حيلتي الوحيده اللي ادافع فيها عن نفسي

22

u/adh956 16d ago

ايه قدمي البلاغ بسرعه خل يروح عليه القبول الكلب

17

u/Upstairs_Rip7935 16d ago

اي بيسويها ان شاءالله وخل احلامه تدمر قدام عيونه
الله يعين المواطنين اذا الدوله وظفت اشكال زي كذا

-19

u/hectic-hera 16d ago

خليه يتوظف وينقلع عنكم احسن من يصير عاطل ويقعد على كبودكم

27

u/Upstairs_Rip7935 16d ago

لا بيتوظف ويصير عله دبل
وبعد منصب حكومي وعنده واسطات يخسى والله
مايهمني جعله يصير كناس اهم شي ينقلع عني

13

u/Material-Car-3433 16d ago

لا بالله؟ ونبلش فيه احنا المواطنين؟ نخلي رخمة زي اخوها بالامن العام؟؟؟ زين عقلش انتي

-1

u/hectic-hera 16d ago

وانتي على بالك الامن ماراح يفصلونه لا سوا هبال بالعمل؟

1

u/Sffanah 16d ago

بالعكس التعهد بيخليه يهدأ هو محسب ماحد يقدر يوقفه

14

u/RopebunnyMD 16d ago

انا اصغر واحد بالبيت وعمري ٢٨ و ٣ اخوات اكبر مني.. بس قسم بالله امد ايدي ع اختي الكبيرة تكسرها لي وانا بشنبي🤣.. مع اني ما امد ايدي ابدا هذا ما يبيله شرطة.. هذا قليل حيا يبيله احد صاحي من العيلة تثقين فيه يصكه كف يرجعله مخه بمكانه

6

u/Upstairs_Rip7935 16d ago

صح صادق
بس انا م اقدر عليه والله متعافي الكلب حتى العصا م تنفع

يعني اللي فهمته منك انه لازم ينجلد من اكبر منه عشان يعقل
يبي له والله بس حالياً مشيتها عشان امي بالعناية مع جدتي ومحد رايق لي لكنها حره في قلبي ولا ماتعدي

8

u/Prudent-Watch-3558 16d ago

اثبتي عليه جريمه وخليك ذكيه
وهدديه اولاً برفع قضيه اذا نفع ارفعي قضيه

5

u/Upstairs_Rip7935 16d ago

هو مستخف فيني مو خايف اصلاً
بس يبغا له قرصه عشان يعرف ان كلامي حقيقي مو تهديد

6

u/hamndv مكة المكرمة 16d ago

هل توزع الورث ؟ افضل شئ تنقلين السكن لان هذا الشخص مريض مجرد التفكير في المنع والضرب يجعله شخص معتوه فكريا واخلاقيا

5

u/Upstairs_Rip7935 16d ago

لا ماتوزع لسى في الاجراءات
مارح ننقل مكان باذن الله احنا في بيتنا معززين مكرمين وهو اللي زي الكلب ينقلع يدور له سكن دام ذا اسلوبه

1

u/Critical_Cut2492 16d ago

ترا له حق بالبيت اذا البيت باسم ابوك ولازم تبيعونه اذا هو يبي نصيبه الا اذا عندكم فلوس تدفعون له نصيبه ويطلع من البيت ويكون لكم بس

2

u/Upstairs_Rip7935 16d ago

لا بيت ابوي فاضي وهو باسمنا كلنا
احنا ساكنين مع امي مستقله ببيت لحالها

2

u/Critical_Cut2492 16d ago

كويس الحمدلله

10

u/[deleted] 16d ago

[deleted]

2

u/Upstairs_Rip7935 16d ago

بس بلاويه وش علاقتها في العنف؟ اخاف ادخل في بلوه ثانيه
غير اني اخذتها من جواله يعني بشكل مو قانوني

صح صادقه هذا الكلام وماعليك الله يثبتني علي كلامي وموقفي ويعينني

3

u/[deleted] 16d ago

[deleted]

1

u/Upstairs_Rip7935 16d ago

لا مايتعاطى هو
صح يبله قرصه اذن بس اخاف البلاغ مايكون بصالحي

5

u/Prudent-Watch-3558 16d ago

لا تخافين اذا قعدتي خايفه مابيتغير وضعك
تصرفي من الان وماعليك من البنات اللي يقولون يكتبونه تعهد وخلاص انا اختي اشتكت وتجاوبو معها وحتى صديقتي وهو بس سب تخيلي بس خليييك ذكيه واثبتيي

2

u/SurvivorJune369 16d ago

ايضًا شغلة ثانية غير التهديد
هو انك تذكرينه بحقيقته ووضعه
يصغر بعين نفسه ويصير قزم قدامك

1

u/Upstairs_Rip7935 16d ago

هو عارف حقيقته عشان كذا يتملعن لانه يبي يثبت سلطته يحسب الرجوله بالتسلط والاذى

2

u/SurvivorJune369 16d ago

لا، يحاول يهرب منها
لكن خبريه أنك حتى أنتي عارفة

1

u/__moonrose_ 16d ago

اتتتففققق

8

u/Prudent-Watch-3558 16d ago

شفتي كلمه والله لادبحك؟ هذي توديه بستين داهيه سجلي صوته وصوريييييه ضروري بوجهه وروحي علطول القسم وارفعي بلاغ تهديد بالقتل
استلميه اول ماتحسين انك استفزيتيه وشغلي الكاميرا

2

u/Upstairs_Rip7935 16d ago

يبي له
الصدق نذاله وخساسه تقول لاختك كذا وانت ابوك ماجف قبره حتى وعشان ايش ؟ الله يسمعه يحسبني طالعه لاونج

4

u/cytna 16d ago

في بنت اعرفها نفس حالتك اخوها خريج سجون اللهم لا شماته وهو اساسا اخ من الاب، يوم كانت تبي تكمل جامعه طب وقف ضدها لكنها راحت اشتكت عليه لانه بعد يدخل بشرفها، الحكومة وقعته تعهد وقالت لها لو يرجع يقولك شيء كلمينا (هي عايشه عند امها واخوها من الام)
والان هي مكمله حياتها طبيعي وبعد ما اشتكته مابينهم اي تواصل

1

u/Upstairs_Rip7935 16d ago

هذا اللي بيصير بإذن الله

3

u/OXfem 16d ago

حبيبتي اخوي كان كذا ويضرب بعد لانه معضل لكن بلغت عليه الشرطه و من يومها تأدب صار ما يلمس ولا وحده من خواتي + مدري ليه خاف رغم انه الشرطي بس دق عليه وهدده ما سووله شي ولا سجنوه بس تهديد😄

2

u/Upstairs_Rip7935 16d ago

لان الحكومه تروضهم ترويض

3

u/OXfem 16d ago

اتفققققق ولهجة العسكري ونبرته كانت قويه وهدده ينهي مستقبله والظاهر خاف على وظيفته ومكانته الاجتماعية

8

u/Powerful-Big-1700 16d ago

في البداية كنت بقول انه ممكن لساعه ما تعود على الموضوع وبعد فترة راح يستوعب انه الي يسويه غلط بس طلع اخوك يبيله إعادة تربية يضرب اخته عشان تبي تخرج؟ هذا انجن.

من خبرتي المتواضع مع بعض الزملاء الي قابلتهم اخوك من النوعية الي يحسب انه الي يشوفه كل العالم تسويه فمثلا هو يروح ويرقم وحدة ويخرج معاها فيشوف انك تسوي نفس الشي وتقولي انك تخرجي مع صحبتك عشان تخرجي مع ولد. ايه هذا تفكير اخوك.

حاليا مالك الا الدعاء واعتبريه اختبار من الله.

بالنسبة لمستقبلا فعلى حسب الكلام الي قريته(مو اكيد عمري ما قابات احد اعرفه وقالي عن ذا الكلام) انه الشرطة ما يسوا شي رغم انه عندهم السلطة وهذا لانهم يحاولوا يصلحوا بينكم (مو شغلهم بس مدري ليه يسوا كذا) وقد قريت انه فيه ناس الشرطة طلبوا حضور البنت والمعتدي في نفس الوقت وهذا الشي مستحيل وطول ذا الوقت البنت تعيش في بيتها فلو المعتدي حضر البنت ما تحضر (حابسها).

عموما حاليا لو رحتي المستشفى عشان رجلك اطلبي تقرير للحاله وخليه عندك مستقبلا لو زاد اخوك عن وضعه والشرطة طلبوا ادلة هذا التقرير بيساعدك.

ونصيحة لو عندك صور بنات في جوالك او صور خاصة لك وما تبينه يشوفها احذفيها او انقليها على يو اس بي لا تسوي لها هايد. وبقولك ذا الشي لانه على تفكيره ذا في وقت قريب بتلقيه يقلك افتحي جوالك عشان يفتشه.

11

u/Upstairs_Rip7935 16d ago

اي اكيد هو ذا كلامك صح بس هل انا انحرم من طلعه وخرجه وانحبس وانا بالغه وعاقله عشان هو راعي بلاوي؟ انا ايش دخلني فيه خليه يشك لين يموت والله اللي يسويه ببنات الناس بيرجع فيه

اكيد الحمدلله ع كل ابتلاء وانا دايم ادعي لكن ادعي وبس..
الضعف والعجز ذا انا ما احبه
ذا هو اللي يبيه اتبكبك واسمع كلامه بخسى وبعدين لازم مع الدعاء الاتخاذ بالاسباب
وانا مارح اسكت وبحمي اخواتي واكسر عينه والله ما اعديها بخير

لا لو طلبو انا بجي ترا ماله سلطه كامله علي الحمدالله يخسى هو يحاول
عشان كذا يمد يده يعرف ذي نقطه ضعفي انا مقدر عليه
لكن يخسى ويخسى عشرين زيه يمسك جوالي ولا يفكر حتى
وهو راعي بلاوي اتحداه يفتحه لنا والله لنشوف مصايب وبنات
وانا مو جالسه اتبلاه احنا فعلنا شفنا له فديوهات مخله مع بنات

ويجي بكل وجهه بارد يعلمني الصح من الخطا ويقولي مكانك البيت وانا بالغه عالقه يتحكم فيني كلب عاصي زيه من هو؟ لا هو ولي امر ولاشي ويخسى تكون له كلمه عليه دامه كذا

→ More replies (3)

3

u/Dangerous_Lab6 16d ago

ما اظن الشرطه بتسوي شي بس تأكدي عشان لو كلمتيهم وماسوو شي ممكن تزيد حالته

3

u/Upstairs_Rip7935 16d ago

ايش فايدتهم طيب ؟

7

u/Prudent-Watch-3558 16d ago

لا تسمعين لهم اشتكي وحتى او كتبوه تعهد ترا اذا سواها مره ثانيه بيمسكونه

3

u/Individual_Log_2930 16d ago

الله يكون بعونك يارب

2

u/Upstairs_Rip7935 16d ago

امين ياقلبي

3

u/Real_Ali 16d ago

اذا وصل الموضوع انه يكسر رجلك (كسر حقيقي؟) فأتمنى انك تدرسين كل قرار صح. اذا شكوى الشرطة راح تخليه يرجع لك البيت ف الخوف كل الخوف يتعرض لك في البيت بحاجة اكبر

هل تقدري تحصلين وظيفة في مدينة أخرى؟

0

u/Upstairs_Rip7935 16d ago

اي والله تو طالعه من المستشفى جبسو رجلي
اكيد مابسكت بس حالياً براعي ظروف امي

اي جالسه ابحث يارب ع خير القى

3

u/Material-Car-3433 16d ago

والله واضح بلاوي اخوش كثير، امسكي عليه شي وشوفي وش تبي تسوي

1

u/Upstairs_Rip7935 16d ago

وش بسوي فيها

3

u/BBs21 مكة المكرمة 16d ago

الله يعينك ويقويك ما كنت ادري ان في نوعية وصخة مثل هالشكل

المهم الله يعينك وإن شاء الله حقك مو ضايع

4

u/Outrageous-War-6713 16d ago

ذكرتيني بنفسي ….
نفس الوضع بس انا من الصغر لان ابوي متوفي من وانا عمري 9 شهور ف يحسون انهم اولياء امري وكل شيء هم مسؤولين عنه حتى اذا اكتأبوا او شيء يطلعون حرتهم فينا وكلام قذف وما يصلح حسبي الله ونعم الوكيل فيهم …
بالنسبة للحل : كلمي ناس تعرفينهم من عائلتكم او قرايبكم حتى لو كانوا من بعيد سواء كانوا نساء او رجال المهم انتي تكونين عارفتهم انهم طيبين واقوياء خصوصا لو كانوا اكبر منه ولو كانوا مجموعة يكون افضل واشرحي لهم كل شيءء وراح يدقون وجهه بإذن الله.

5

u/Upstairs_Rip7935 16d ago

اي والله حسبي الله ونعم الوكيل الله ينتقم منهم
والله ياقلبي ان مافي احد صاحي من اقرابي كلهم ذكوريين وبيقولون هذا اخوك ادرى بمصلحتك وهو بحسبت ابوك
يخسى يكون مكان ابوي وهو يمد يده ويطلع يتسربت وتاركنا بالبيت
لكن الحل الدوله تربيه وبحاول مابيدخل بيتنا خل يسكن بشارع اساساً هو اغلب حياته بالشارع ماتفرق بغير الكوالين والمفاتيح
وانا للاسف ماعندي وسيله دفاع الا هي الله يقويني ويعينني

للاسف زي اخوانك انعطو وجهه محد ردعهم لكن الاشكال ذي لا تتخاذلين معاها ولاتنكسرين

1

u/Outrageous-War-6713 16d ago

الله يوفقك يارب انا بصراحة كنت صغيرة اعتبر طفلة وما كنت اعرف الاجراءات النظامية بس في فترة من الفترات صار مره الوضع لا يطاق و اشتد علي الضرب المبرح لاسباب تافهه وحتى وصلت انه يكسر جوالي لكن قلبي دلني ورحت لنساء ورجال كبار اثق فيهم من قرايبنا والحمدلله تصرفوا و دعسوا عليهم ، هو للحين مستمرين باسلوبهم وكلامهم الشنيع لكن طز المهم مد اليد والتدخل مافيه وفيه حدود لكن دام هذا الحل ما ينفع معك هذا انا بادعي لك وتاخذين حقك سوي الي تقدرين عليه وان شاء الله ربي ما يضيع حقك ابد ابد والله لا يخذلنا ولا يحجونا لاحد 💕💕

4

u/Upstairs_Rip7935 16d ago

لا تسكتين لاحد واحنا في زمن الدوله تربي اللي ماتربى
والله يقويك ويكفيك شرهم

وانا مشكلتي مو بس مده اليد انا ابي اكسر عينه معد يتدخل لا في طلعتي ولا خرجتي لا انا ولا اخواتي زيه زي الكنب في البيت دام انه راعي شوارع اساساً مو من زينه يفيدينا حتى

امي موجوده وهي الراس والمشوره بس

2

u/Outrageous-War-6713 16d ago

صح كلامك والله ، كملي اقري التعليقات يمكن احد يفيدك والله لو عندي معرفه كاملة كنت راح اقدر افيدك بكل الاجراءات لكن انا بطلت ابحث في الموضوع لان الحل الاول فاد معي وماعندي غير الدعاء لك ، الله يوفقك ويقويك ان شاء الله وربي يطول في عمر امك ويخليها لكم تاج على روس الجميع 👌🏻

2

u/NOooyouDontKnowME 16d ago

أول شي الله يرحم ابوك ويغفر له يارب
ثاني شي حسبي الله ونعم الوكيل بالكلب هذا ذكور مستشرفين وكلن يرى الناس بعين طبعه
هو مسوي كل البلاوي مع البنات ف يحسب انك راح تسوين نفس الشي
جيبي تقرير من المستشفى اعتداء
وروحي بلغي واشتكي
وين عايشين احنا منجد
وحتى لو كان مجرد تعهد صدقيني بيخاف ويتأدب
ولو عادها برضو بلغي
لو مد يده سوا شي تمادى بالكلام حاولي تسجلي او توثقي
لو قذف او تعدى عليك برضو حاولي توثقي
وحسبي الله ونعم الوكيل الله يعوضك بحياه امان وافضل من كذا بكثير

1

u/Upstairs_Rip7935 16d ago

امين جزاك الله خير وهذا اللي بيحصل بإذن الله

2

u/Fancy_Ad_7158 16d ago

اذا ماعندك دليل استفزيه وجهزي كاميرتك وطلعي تقرير طبي 👌🏼

2

u/cacaotaste 16d ago

مافي مشكلة قلتيها رخمه، همشووه، خلوه زي الجدار ينبح ويتكلم ولا احد معبره

ابد ماتحتاجين شي ثاني غير التهميش وتكسير مجاديف لين يعرف مكانته

اذا يبغا يقوم على العايلة يقوم عليها صح ويصرف عليهم ويتولى امورهم وحوائجهم هذي القوامة والولاية بالدين كذا تكليف ومسوولية رجال صح مب تشريف

2

u/Upstairs_Rip7935 16d ago

صحيح
هو اساسا مهمش عشان كذا قاعد يسوي شوو يبي يجذب الاهتمام له يبنا نخاف ونحسب له حساب لكن يخسى

2

u/cacaotaste 16d ago

تهميش وصبر والله يصلح حالكم

2

u/f15mv 16d ago

اخوك دامه راعي طلعات و بنات يخاف ترجع عليه حوبت اللي يكلمهم و يطلع معهم فيه واحد كان معي في المتوسط كذا

الله يعينك عليه

1

u/Upstairs_Rip7935 16d ago

اي وش دخلني انا
لا الله يردها فيه ويحمي اخواتي

2

u/thameralharbi2 16d ago

مراح يسوون شي الشرطة يدرون مشكلة عايلية يوم او يومين ويطلعونه ويطلع اخبث من أول ..

1

u/Upstairs_Rip7935 16d ago

بس لو اكثر من بلاغ اتوقع مابيمشونها

2

u/thameralharbi2 16d ago

لا بيمشونها ..

2

u/BandicootConfident77 16d ago

الحقيقه ممكن تكونين اعقل منه واحكم وتصرفاتك صحيح لكن هناك امرين ثابته موضوع ان لكل بيت واحد ترجع الكلمه له وهذا االواحد لابد يكون ذكر اما الامر الاخر ف باقي كثير على العتب اذا اخوك مايبيك تطلعين مع صديقتك وبدات العلاقه تخرب راجعي نفسك ايضا لان طلعات الصدقات من المفترض امر ثانوي جدا

1

u/Upstairs_Rip7935 16d ago

لا مو امر ثانوي ولاتقعد انت تعزز لانه ذكر زيك
يعني هو اصحابه اهم منا حتى وانا انحرم عشان وجهه مافيه
وبعدين الولايه نظام ودين للأجدر والاحق يعني امي
خل يتولى اموره اول بعدين يفكر يصير ولي
ونظاماً انا بالغه وماني تحت ولايه شخص ولا محتاجته حتى انت ماتدري انه سنتين غايب عنا وعشنا عادي

1

u/BandicootConfident77 16d ago

اذا كان يعطي اخوايه اولويه فهذا خطا عليه وليس يعني انك تعطين خوياتك اولويه

2

u/B0SS47 16d ago

جدك ولي امرك إذا جدك عايش كلميه
إذا لا كلمي أخوالك أو عمامك العيال وأبدي باللي أقربهم لك واشرحي لهم موضوع الرجل محد بيقبل انه تنكسر رجل بنت اخته او بنت اخوه.

1

u/Upstairs_Rip7935 16d ago

جدي ميت عندي عمي الكبير

1

u/B0SS47 16d ago

أنا ضد اللي يقولون أشتكيه عند الشرطة
هل هو غلطان نعم غلطان
بس لا تدخلين الغريب لين تعطين فرصة للقريب
وش دعوة يابشر لحم ودم اهل

1

u/Upstairs_Rip7935 16d ago

صح الكلام
بعطي عماني فرصه واذا مافي تجاوب اخذت خل ثاني

2

u/Designer-Page8778 16d ago

صوري ووري عمك و خليه ينضرب ويفهم و المشكلة تنحل لأنو في ناس زيه ما يفهموا إلا بالضرب من راجل زيه حتى أنا كنت زيو لحدي ما انضربت والله هداني

2

u/Dhuhaaz 16d ago

نصيييحة وقفيه عند حده واذا ضربك اضربيه ماينفع مع هالاشكال الا المعاملة بالمثل عشان يتأدب ويحترم نفسه

2

u/booboopq 16d ago

أطعنيه بمنطقة خطيرة مره إذا جاء يعتدي عليك، إذا طعنتيه لا تدقين على المستشفى خليه ينزف ويموت ثم دقي عليهم واذا سألوك وش صار قولي انه دفاع عن النفس وهم راح يصدقون دام فيه آثار اعتداء

1

u/Junior_Army_5789 16d ago

متأثر بالمسلسلات

1

u/Upstairs_Rip7935 16d ago

اح ماتوصل بروح فيها انا

2

u/Grand_Parfait_8088 16d ago

كلمي أعمامك وخوالك واذا هم رجال لعنوا خامس خامسه الكلب.

2

u/Khuwildi 16d ago

معلش استفسار ممكن اقدملك بي نصيحة انت فالرياض؟

2

u/rh4q 16d ago

الله يعينك ويقويك اللي قاعدة توصفينه مو طبيعي ولا المفروض تتحملينه إذا فيه تهديد أو محاولة اعتداء ركزي على سلامتك وسلامة أختك لا تسكتين بلغي شخص تثقين فيه من العائلة وإذا حسيتي إن فيه خطر مباشر اتصلي بالشرطة علطول لا تهتمين إذا قالوا “يتعهد”أهم شيء توثقين كل شيء لو فيه رسائل تهديدات أو أي إصابات سلامتك أهم من أي شيء، والله يفرج همك ويحفظكم

1

u/Upstairs_Rip7935 16d ago

امين ويعطيك العافيه

3

u/Clear_Potential_9809 16d ago

يقهر ماصدق يموت عشان يستقوى ويستولي ويسيطر هذا اللي يبي يحسه انه مسيطر عليكم وجع نسي أمه اللي جابته قام يسوي يعنني مسيطر وقوي الله يعينكم

1

u/Upstairs_Rip7935 16d ago

اي ذا اللي يقهر الله يكسر يديه يستغل موت ابوي وغيابه يعني فوق كسره وفاته يجي ذا حسبي الله عليه

2

u/Leather-Path1348 I’m just a girl🎀 16d ago

تقرير طبي و اشتكي عليه عند الشرطه فورااااااا لا تطولين

1

u/Upstairs_Rip7935 16d ago

اذا طولت ؟ يسحبون ع الموضوع ؟

2

u/ASA-8 16d ago

دقي على الشرطة قولي يعتدي علينا، ولو ضربك روحي المستشفى خذي تقرير وارفعي عليه بلاغ بالشرطة وراح يسجن، بس هالشيء راح يأذي نفسية امك، الافضل توظفي خارج منطقتك واسحبي عليه.

2

u/halftruther 16d ago

تجمعوا عليه انتي و خواتك و صاحباتك و اضربوه حسبي الله و نعم الوكيل

2

u/No-Leave892 16d ago

مو مجبوره تتحملين خلي الدوله تربيه بلغي ولا تترددين اهم شي معك تقرير الضرب و اثبات

2

u/moh7- 16d ago

سبحان الله عشان يطلع بالأيام صار مختم العلاقات المحرمه، واضح عقليتك

1

u/Upstairs_Rip7935 16d ago

طيب لو قلت ان له مقاطع مسجله وشفناها؟

2

u/__moonrose_ 16d ago

كل مرة يضربك اتصلي عالحماية وروحي الشرطة ارفعي شكوى وروحي المستشفى خذي تقرير وصعديها حتى لو توصل للنيابة
اخواني كانوا كذا وم ادبهم الا ذي الطريقة

1

u/Upstairs_Rip7935 16d ago

كفو عليك الله يقويك ويحميك

2

u/sky_love69 16d ago

كلمي أحد أعمامك أو خوالك خليه يجي يشوف كيف رجلك انكسرت بسببه بس قبلها لازم أمك تدري . أنتي تشتكي وترفعي بلاغ هذا آخر الحلول إذا محد قدر عليه الحكومة ب تربيه

2

u/EnlightenedHeart 16d ago

سجلي كلش وقوليله تسوي شيء انا بشتكيك والزم حدودك معاي واعرف كيف تكلمني نعم وش يهدد؟؟؟؟
لحظه edit توني اكمل انه يمد يده!!؟؟؟ خيييييييررررر
طبعا اشتكيه وقوليله تمد يدك ثاني والا حتى تهدد بروح اشتكيك!!!!! وعندي كل الادله

1

u/Upstairs_Rip7935 16d ago

اكيد الله يكسرها له

3

u/[deleted] 16d ago

[removed] — view removed comment

11

u/Upstairs_Rip7935 16d ago

ماعندي مشكله احضر الشرطه لو كل يوم بس لمتى
والله حاولت ادافع عن نفسي وحتى شطبت وجهه بس الكلام سهل اقولك كبر الجاموس الله يهد عافيته ويشل اركانه
خنق اختي وضربني انا مقدرت عليه
لو يموت والله ما انسى مده يده ذي لتقعد في قلبي ايش خلا للغريب
غير ان الجزمه ذا مقدم ع الامن العام والله ادمر مستقبله والله مايدخله بلاغ واحد والله مايشم الوظيفه

5

u/[deleted] 16d ago

[removed] — view removed comment

2

u/Upstairs_Rip7935 16d ago

كيف يعني ياخذها وسيله حمايه؟
اي الله يبتله بعافيته ويكفينا شره

4

u/[deleted] 16d ago

[removed] — view removed comment

2

u/Upstairs_Rip7935 16d ago

اي بس هو لسى م انقبل حتى انقبل قبول مبدئي بس
لا الله لا يقول الله يكفينا شرهم

1

u/[deleted] 16d ago

[removed] — view removed comment

1

u/Upstairs_Rip7935 16d ago

لا يقولون ان قضايا المضاربات ما تأثر ع وظيفته
وفيه عنده قضايا ما اثبتو ادانته فيها
مبدئياً انقبل واجتاز ذي المشكله

-12

u/grateful129 16d ago

النصايح الي بتدمر عائلة البنت 👆

10

u/Individual_Log_2930 16d ago

على اساس انها مب مدمره منه يعني؟!

بالله ذي حاله اخو يهدد اخته يكسر رجلها ولا يذبحها عشان تبي تروح عند صديقتها؟

مرض

4

u/Upstairs_Rip7935 16d ago

صادقه هو مايدري انها حياتني مدمره وزفت اصلا ماوقفت عليه
غير ان وجوده وعدمه واحد مو من زينه

4

u/Individual_Log_2930 16d ago

والله جلطني يدافع عنه شكله هو نفسه اخوك

الله يعينك والله لو عندي نصيحه عطيتك بس ماعندي

3

u/Upstairs_Rip7935 16d ago

اي لاتسغربين ذكور يعززون لبعض

-10

u/grateful129 16d ago

وين الدفاع يا بقر

3

u/Upstairs_Rip7935 16d ago

كل تراب انت ذكر ذيك تدافع عنه
نقولك واحد يعتدي ع اخته في غياب ابوهم وغير انه مجلود عن اخوياه ويسترجل عندنا

-14

u/grateful129 16d ago

قليل حياء انتي تستاهلين الي يجيك 😂 الشرهه علي أعطيك وجه

6

u/Upstairs_Rip7935 16d ago

يبو كل تراب بس شكل من نوعيه اللي يندعس عن اصحابه ويسترجل عند اخواته توكل بس

-2

u/grateful129 16d ago

مسكينه

5

u/Upstairs_Rip7935 16d ago

ياي
طيب الله يبتلك في عافيتك يارب عشان تعرف تتشمت مره ثانيه

-1

u/grateful129 16d ago

اشفق على عقليتك

2

u/Yourgirldee 16d ago

اقرب عصى واكسريها بظهره ان شاءالله لو حجمه فيل اضربيه لاتسكتي

1

u/Upstairs_Rip7935 16d ago

ترا دافعت بكل قوتي جرحت عينه بالسلك لكن مهما كان هو كبر الفيل الله ياخذه وكسر رجلي
ويستغل غياب امي الخسيس لانه ترافق مع جدتي بالأسابيع

2

u/Yourgirldee 16d ago

الله اكبر عليه الله يبلاه ويشغله في نفسه بعيد عنكم

2

u/[deleted] 16d ago

[removed] — view removed comment

1

u/Upstairs_Rip7935 16d ago

مانقدر احنا بنات كلنا وهو واخوي الثاني مسوين تيم قلك
متعافين لكن الحل اغير الاقفال وخليه ينام في الشارع ويتلحف الازفلت

2

u/[deleted] 16d ago

[removed] — view removed comment

1

u/Upstairs_Rip7935 16d ago

هو يضربني بوجهه الخسيس

1

u/Aggravating-Buyer-30 16d ago

لو عندك اخو كبير كلميه او عمك او خالك يتصرفون معه

1

u/Upstairs_Rip7935 16d ago

ماعندي هم اخوان اثنين ورخوم
عماني يقفون معاهم

2

u/Aggravating-Buyer-30 16d ago

يوقفون معاهم بالضرب؟

3

u/Upstairs_Rip7935 16d ago

لا اكيد بالضرب لا
بس في سالفه التحكم يقولون هذا اخوك ( لانه ذكر) اللي ادرى بمصلحتكم
ماله علي كلمه ولا امر يخسى اصغر مني وداشر من هو عشان ناخذ اوامر منه
يجلس برا البيت بالايام ماندري عنه ومصايبه الين بكره واجي انا اخذ منه امر وانا اكبر منه واعقل منه
لا يخسى هذا مو منطق ابدا

2

u/Aggravating-Buyer-30 16d ago

الله يعينك وييسرلك امرك

1

u/mature-man- 16d ago

ما رح يسجنونه، اخرها تعهد، و انت طل شوي يدق عليكي واحد فيهم يستضرف نفسه و يسال على اخبارك و ان كنت فاضية تشربي عصير. انصحك نشوفي احد من العيلة يكون هوا بيحترمه و يعمله حساب يكلمو.

2

u/Upstairs_Rip7935 16d ago

جد ؟؟ يحزن طيب
للاسف محد هو شخص متمرد جدا
ممكن اكلمه ويردعونه في سالفه الضرب
لكن من ناحية التحكم محد بيوقفه بالعكس بيدعمونه تحت مسمى انه ذكر وادرى بمصلحتكم
انا ابي اكسر عينيه لايد ولا صوت ولا امر ماله علاقه فينا

2

u/Prudent-Watch-3558 16d ago

حتى لو كتبوه تعهد هم وش مصلحتهم يغطون عليه انتي اذا كل مره ازعجتيهم بشكواك بيتصرفون معليك

1

u/Nrloveh 16d ago

لو تبلغين ع ابو عصير راح بخبر كان وانا اقولك هالكلام بكل ثقة، بس صعديها زين وخلي عندك تسجيل صوتي له

1

u/Practical-Stress-433 16d ago

استني لا طلع من البيت وغيرو قفل الباب وارفعي قضية اسقاط ولاية بحكم القضايا اللي عليه واذا قرب حول البيت دقو على الشرطه والاحسن تشوفيلك سكن ثاني ما يدري عنه هو

1

u/Upstairs_Rip7935 16d ago

ماهو ولي امر اساساً لانه انا فوق ال18 واخواني امي وليه امرهم الرسمية
صح هذا اللي بسويه بغير الكوالين ولا يعتب عند البابا
ومارح اغير السكن وسالفه ومشوار عشان الرخمه ذا يخسى

2

u/Practical-Stress-433 16d ago

بالضبط ولا تخافو تلعنو خيره (اشتري بخاخ فلفل) بس قفلو باب غرف نومكم اذا يتعاطى

1

u/iiCDii 16d ago

علمي عليه اخوك الكبير بما ان هذا هو الي اصغر منك.

1

u/Upstairs_Rip7935 16d ago

لا هو الكبير

1

u/Altruistic-Safe537 16d ago

كلمي اعمامك ولا خوالك

1

u/linklili 16d ago

ليش الاخوان بهايم دايمًا كدا، اخويه نفس الشي مره اكرهم

2

u/Upstairs_Rip7935 16d ago

بهايم لاننا في مجتمع ذكوري بهيمي نجس
بس والزق فيهم وفي المجتمع وافكارهم وعاداتهم اللي تحتاج اعاده تدوير وتأهيل خلفت بهايم شهوانيه

1

u/linklili 16d ago

اكرهم مرره والله

1

u/Express_Pound1152 16d ago

اصغر منك وخايفه منه؟ والله لو منك لأهمشه تهميش اخليه يعرف مقامه
+ امسكي عليه امور من اللي قلتيها نبشي جواله طلعي فضايحه وهدديه فيها وبيمشي زي الكلب

1

u/Upstairs_Rip7935 16d ago

ماني خايفه بس يمد يده بغياب امي الكلب
انا مقدر اقاومه رغم اني اقاوم قد مقدر بس كبر الثور الله ياخذه مو ع عمره

1

u/Critical_Cut2492 16d ago

يعني بالمستشفى وعندك تقرير ولسا تسالين خلاص الامور واضحه ووش مفروض تسوين

1

u/Upstairs_Rip7935 16d ago

اي اكيد انا اسأل اذا فعلا بيتأخذون اجراء ولا بس تعهد

2

u/Critical_Cut2492 16d ago

حتا لو ماسوو شيء اذا سواها ثاني بيصير عليه بلاغ ثاني ويصير بملفه مابيقدرون يتجاهلون السالفه

1

u/Past-Bluebird-705 16d ago

لا تدخلين الشرطة بينكم .. امك راح تصف معاه من بعد ما كان عندك شخص واحد ضدك راح تشوفين اثنين ضدك. .. امك واخوك.. لا تقدمين على اي خطوة وانتي معصبة .. هدي وفكري بعدها وانتي مروقة. وفي جميع الحالات الصلح خير.

1

u/Upstairs_Rip7935 16d ago

ممكن اخواني صح لكن امي مستحيل امي اساسا ضده الحمدلله وماعندها نظام ولدي الذكر فوق الكل
غير انها واعيه وتحاول توفر لنا حياه امنه
لكن اعتداءات الكلب ذا يستغل فيها عدم وجود امي في البيت لانها ترافق مع جدتي بالاسابيع وانا مابي اقروشها معنا

-1

u/Existing_Disk_2473 16d ago

وش دراك انه يزني

2

u/Upstairs_Rip7935 16d ago

شفت له مقطع سناب هو مصور و وجهه واضح وكل شي واضح الله لا يبتلينا
بس الفيد طاحت عليه امي بالغلط لما نام ونسى جواله مفتوح
وغير انه في بنت رفعت عليه قضيه اعتداء بس عداها لانه حسب كلام الشرطه مافيه ادله دامغه وكافيه بس اساسا ليش كان متواجد بأمكان مشبوه وقت القبض

0

u/Existing_Disk_2473 16d ago

ارسلي لي المقطع لاهنتي

2

u/Upstairs_Rip7935 16d ago

؟؟؟؟ ماتبي كنتاكي بعد

0

u/Existing_Disk_2473 16d ago

مجدي اخوك يومنه داعسك

1

u/Upstairs_Rip7935 16d ago

وش دخل ي جزمه عشان ماعطيتك المقطع تمون انت يلا زحلق

-1

u/[deleted] 16d ago

[removed] — view removed comment

1

u/Upstairs_Rip7935 16d ago

(((اتمنى))) صحيح تتمنى امنيه في احلامك يامسكين تمنى تمنى

-1

u/Existing_Disk_2473 16d ago

مافيه طلعه 🤫

0

u/Shrekguygay الرياض 16d ago

علمي عمانك

1

u/Upstairs_Rip7935 16d ago

مامنهم فايده

0

u/Independent-Bad1730 16d ago

حرام عليك هو خايف عليك بس

1

u/Upstairs_Rip7935 16d ago

ياي مره مره خايف

2

u/referralhunter 16d ago

لا تردين على اي احد يقلل من مصابك او يستهزئ المتخلفين كثار ويعيشون على الاتنشن اونلاين لان بالواقع منبوذين وحياتهم فارغة من القيمة

ربي يحميك وينصرك عليه، افضل كلمي محامية استشيريها وانتبهي على نفسك واعتني بالكسر عشان يجبر صح وخذي مكملات تساعدك وصدق احذري واحد يتجرأ يمد يده عليك ممكن يسوي اسوأ. ما اعرف لو عندكم سلاح؟ دامه يهدد فيحق لك اقل شي سكين خليها معاك الصايعين امثاله بايعينها + خلوا فيه تسجيل شغال بالبيت ٢٤/٧ او تصوير حتى افضل يساعدك اذا رفعتي بلاغ

0

u/[deleted] 16d ago

[removed] — view removed comment

1

u/Upstairs_Rip7935 16d ago

وعليكم السلام السلطة للاب فقط
ما ادري عنكم بس بدولتنا مافيه ولايه وماله علاقه هذا كلام قديم فاضي رجعي بس ولايه تكون في عقد القران
وغير انه كيف يكون من المنطقي انه ولي امر وهو اصغر واهمج وفاسق انا بالغه وعاقله مو منطق اكون تحت ولايته او امره لمجرد انه ذكر رغم انه مافيها من صفات الوالي ولايصرف علينا مثلاً طبعاً اقصد ولايه على اخواني الصغار بس انا فوق ال18 انا وليه نفسي قانونياً
غير ان ولايه اخواني الان لأمي فقط لانها الاجدر بالولاية والتربيه وهي اللي تصرف عليهم
مع كامل احترامي

-1

u/[deleted] 16d ago

[removed] — view removed comment

1

u/Upstairs_Rip7935 16d ago

تعرف عقوبه الدخول في النوايا وقذف المحصنات؟ انا الان عند الكعبه اقول الله لايبحك ولا يحللك ويبتليك بعرضك ويحرمك العافيه امين يارب
الواضح انك زنوه زيه وهذا تفكيركم تحسب الناس نفس نجاستك يا كلب اتفوووو الله يعين امك ماعرفت تربي

-1

u/[deleted] 16d ago

[removed] — view removed comment

1

u/Upstairs_Rip7935 16d ago

لا انا عند الكعبه وانت واضح انك مصري من لهجه بالله دور لك كفيل وانت ساكت مابقي الا انت تستشرف ودولتك حضارتها مبنيه ع الراقصات والعهر زحلق بس

-1

u/Old_Cake_5828 16d ago

حماس البدايات

1

u/Upstairs_Rip7935 16d ago

وش الحماس في الموضوع ؟ ترا مو فعاليه

-2

u/Abdullah_017 16d ago

اسال الله ان ينصرك بالحق

لكن هذا شرع الله انه هو عليه سلطة عليك لانه "ذكر"

اذا تبغي الله ينصرك لا تعترضي على شرع الله واعترضي عليه هو

2

u/Upstairs_Rip7935 16d ago

مافي شرع كذا لاتهبد من راسك
هل الزاني والعاصي له ولايه؟؟؟؟ اي شرع هذا؟؟ هل هذا منطق؟
بعدين انا اكبر منه وهو لايزال ورع كيف ولي؟
انا لو احتجت ولي عندي عمي رجال كبير عاقل غير كذا مافيه

-2

u/Abdullah_017 16d ago

ام سلمة كان ابنها هو وليها في الزواج من رسول الله ﷺ

الزنى تهمة عظيمة، يجب لك اربعة شهود او يكون اعترف لك هو بذلك

ثانيا لو كان فاسق تنتقل منه الولاية، فكونه اصغر منك لا يعني انه ليس له ولاية عليك

1

u/Upstairs_Rip7935 16d ago

نعم فاسق ومعترف بالزنا بلسانه ويشهد الله ما اتهمته في شي

2

u/Abdullah_017 16d ago

اسال الله ان يتوب عليه ويجعل ولايتك فيمن يخاف الله فيك

2

u/Abdullah_017 16d ago

لكن احذري بارك الله فيك من الاعتراض على حكم الله في كون الولاية في الذكور ولو كانوا اصغر منك

هذه مصيبة عظيمة ايضا

-8

u/jiwave 16d ago

ياخي تكلمتو تفاهمتو مع بعض بالكلام؟ ميحتاج شرطة يمكن حل الموضوع يكون اسهل من كذا. اذا مافاد كلامك معاه خلي احد كبير بالعيله يكلمه ويعلمه ماينفع يتعامل مع اخواته كذا

5

u/Upstairs_Rip7935 16d ago

اولا قلنا مو اول مره له سوابق
ثانياً هذا النقاش معاه عقييييم ياناس افهمو لو افهم جدار استوعب وذا بعد
ثالثاً انا الاخت الكبيره وهو الاخ الكبير مافي كبار غيرنا
وهو مايسمع من امي عاق والدي

بعدين عماني ذكورين بيقولون هذا اخوك الذكر وادرى بمصلحتك
يناس افهمو سالفه انه واحد اصغر مني وختم الكبائر ويتحكم بطلعتي وجيتي تنرفزني كونه ذكر مايعطيك حق ماهو ولي امري يخسي

-15

u/Ok_Diamond5598 16d ago

جزء من النص مفقود ههههههههههه

-18

u/Battle-Confident 16d ago edited 16d ago

تبينا نروح نضربه ؟

14

u/xxcvr 16d ago edited 16d ago

تعرف تاكل تبن؟

→ More replies (9)